کۆمپانیای دادبین کۆمپانیاییەکی مەدەنی پیشەییە، خاوەن مۆڵەتی فەرمییە و بە ژمارە (١١٩) تۆمارە لە سەندیکای پارێزەرانی کوردستان. ئەم کۆمپانیاییە وەک یەکەمین و تاکە کۆمپانیای تایبەت بە پارێزەرایەتی و ڕاوێژکاری یاسایی لە سەر ئاستی ئیدارەی سەربەخۆی سۆران لە کۆتاییەکانی بەهاری ساڵی ٢٠٢٥، لەسەر دەستی هەر یەکە لە پارێزەرانی ڕاوێژکار (زیروان لطیف حاجی و ڕێباز هینی سعید) دامەزرا. بیرۆکەی دامەزراندنی بەهۆکاری فراوانی سنوری کاری پارێزەرایەتی لە ئیدارەی سەربەخۆی سۆران و زیادبوونی پێداویستییەکانی خەڵکی لە هەبوونی سەرچاوەیەکی دروست و ڕاست بۆ وەرگرتنی ڕاوێژی یاسایی و گۆڕانی قەزای سۆران بۆ ئیدارەی سەربەخۆی سۆران بەهۆکاری فراوان بوونی سنووری جوگرافیەکەی گەڵاڵە بوو، ئەمەش بە مەبەستی ئەنجامدانی کاری پارێزەرایەتی بە شێوەیەکی پیشەییانە و هۆشیارکردنەوەی هاوڵاتیانی دەڤەرەکە و پێشکەش کردنی ڕاوێژی یاسایی گونجاو لەمەڕ یاسا بەرکارەکان لە هەرێمی کوردستان. کۆمپانیا بە دروشمی ڕاستگۆیی، بوێری، دادپارێزی پڕاکتیزەی کارەکانی دەکات و بە شێوەیەکی ڕاستگۆیانە لەگەڵ هاوڵاتیان و بە بوێرانە هەوڵ بۆ دادپارێزی دەدات. کۆمپانیای دادبین لە ئێستادا, لە سنووری ئیدارەی سەربەخۆی سۆران دەست بەکارەکانی دەکات و هەوڵی تەواو دەخاتە گەڕ بۆ گەیشتنی هاوڵاتیان بە مافە یاساییەکانیان، سەڕەڕای پێدانی ڕاوێژی یاسایی دروست بۆ دام و دەزگا فەرمییەکان و تەواوی کۆمپانیا بارزگانییەکانی سنووری ئیدارەی سەربەخۆی سۆران